احفظي المانجو لأطول وقت زي المحترفين.. طريقة سهلة وسريعة للتخزين في الفريزر من غير ما تفقد نكهتها

المانجو فاكهة صيفية الكل بيحبها، لكن للأسف عمرها في السوق مش طويل. علشان كده، التخزين في الفريزر بيكون الحل المثالي للاستمتاع بيها في أي وقت من السنة. في المقال ده هنتعلم خطوة بخطوة إزاي نجمد المانجو بطريقة تضمن الاحتفاظ بمذاقها وشكلها من غير ما تبوز.

طريقة مضمونة لتفريز المانجو بنجاح

لو عايزة المانجو تفضل فريش، اتبعي الخطوات دي:

• اختاري ثمرة مانجو ناضجة ولونها مشرق، لكن ما تكونش طرية جدًا.
• اغسلي المانجو بمية نظيفة عشان تتخلصي من أي شوائب أو مواد كيميائية.
• قشريها وقطعيها حسب رغبتك سواء شرائح أو مكعبات.
• شيلي البذرة لأنها ممكن تعمل طعم مر مع الوقت.
• رشي شوية عصير ليمون على القطع علشان اللون ما يتغيرش.
• افردي القطع على صينية وادخليها الفريزر حوالي 3 ساعات.
• بعدها انقليها لأكياس أو علب محكمة الغلق وخزنيها.

فوائد تخزين المانجو بالطريقة الصح

• بتحافظ على الفيتامينات والمعادن المهمة اللي فيها، خصوصًا فيتامين C.
• تستخدميها في الوصفات والمشروبات بكل سهولة.
• التخزين بيقلل الفاقد من الفاكهة اللي ممكن تبوظ.
• الطعم بيظل لذيذ وكأنها لسه متقطفة.

نصائح تساعدك على حفظ المانجو لأطول مدة

• تأكدي إن القطع مجمدة تمامًا قبل ما تنقليها في أكياس.
• خدي بالك من تقسيم الكمية علشان ما تحتاجيش تفكي كل الكيس.
• ما تسيبيهاش برة الفريزر بعد التجميد إلا وقت الاستخدام.
• فرغي الهوا من الأكياس قبل الغلق عشان تتجنبي الاحتراق بالتجميد.
• المانجو المجمدة ممكن تدخل في حلويات، عصائر، أو حتى وجبات صحية.